ລວມວິທີການແກ້ໄຂບັນຫາຄອມພິວເຕີ (Notebook ແລະ PC)

ລວມ​ວິທີ​ເຂົ້າ BIOS ໃນ​ຄອມພິວເຕີ​ຂອງ​ທຸກ​ຍີ​ຫໍ້ Notebook ແລະ PC (how­to­enter­bios)

ວິທີ​ເຂົ້າ Bios Notebook ຫລື PC ແຕ່​ລະ​ຍີ​ຫໍ້ໄດ້​ລວບລວມ​ປຸ່ມ​ເຫລົ່າ​ນັນ​ມາ​ໃຫ້​​ເບິງ ແຕ່​ກ່ອນ​ອືນ​ເຮົາ​ໄປ​ເບິ່ງ​ກັນ​ກ່ອນ​ວ່າ Bios ມັນ​​ແມ່ນ​ຫຍັງ ເປັນຫຍັງ​ຕ້ອງ​ມີ ຄີລັດ​ທີ​ຈະ​ເຂົ້າໄປ​ຫາ​ເມ​ນູຕ່າງ​ຂອງ​ໄບອ໊ອດ ໄບ​ອ໊ອດ (BIOS) ຫຍໍ້​ມາ​ຈາກ Basic Input/output System ໝາຍ​ເຖິງ ໂປ​ແກຣມ​ເລີມ​ຕົ້ນ​ຂະໜາດ​ນ້ອຍ​ເທິງ​ເມນ​ບອດ (Main board) ທີເຮັດ​ໜ້າ​ທີ​ໃນ​ການ​ຄວບ​ຄຸມ ແລະ ກວດ​ສອບ​ການເຮັດວຽກງານ​ຕ່າງໆ ຂອງ​ອຸປະກອນ​ທີ​​ເຊືອມ​ຕໍ່​ຢູ່​ເທິງ​ເມນ​ບອ​ດ ລວມ​ໄປ​ເຖິງ​ເຮັດ​ໜ້າ​ທີ​ໃນ​ການລາຍ​ງານ​ຂໍ້​ຜິດ​ພາດ​ຂອງ​ການເຮັດວຽກງານ​ຂອງ​ອຸປະກອນ​ເຊັ່ນ Ram ຫລື Hard disk ​ເປັນ​ຕົ້ນ​.

ໜ້າ​ທີ​ຂອງ BIOS ນັ້ນ​ຈະ​ເຮັດວຽກ​ຫລັງ​ຈາກ​ທີ່ເຮົາ​​ເປີດ​ຄອມພິວເຕີໂດຍ BIOS ນັ້ນ​ຈະ​ເຮັດ​ໜ້າ​ທີ່ໃນ​ການ Boots ອຸປະກອນ ຕ່າງໆ​ທີ່​ຢູ່ພາຍ​ໃນ​ຄອມພິວເຕີ​ມີ​ການເຮັດວຽກງານ​ເກີດ​ຂຶ້ນ​ຕາມ​ຄ່າ​ທີ່​ໄດ້​ຕັ້ງ​ໄວ້ ໃນ BIOS ໂດຍ​ປົກກະຕິ​ແລ້ວ​ການ​ເຂົ້າ BIOS ນັ້ນ​ໃນ​Notebook ແລະ PC ມັກ​ຈະ​ມີ​ຄວາມ​ແຕກ​ຕ່າງ​ກັນ​​ໄປ​ຕາມ​ແຕ່ລະ​ລຸ້ນ,ຍີ​ຫໍ້

ວິທີເຂົ້າ BIOS ຂອງ Notebook

Notebookປຸ່ມ​ກົດ​ເຂົ້າ BIOSປຸ່ມ​ກົດ Boost
AcerF2F12
GigabyteF2F12
ASUSF2Esc
CompaqF10F9
DellF2F12
HPF10F9
LenovoF2F12
MSIDelF11
SamsungsF2Esc
SonyF2 
ToshibaF2F12

ວິທີເຂົ້າ BIOS ຂອງ PC

ຄອມ​ພິວ​ເຕີ PCປຸ່ມ​ກົດ​ເຂົ້າ BIOSປຸ່ມ​ກົດ Boost
AsusDelF8
ASROCKDel, F2F11
AcerDelF12
GigabyteF2F12
HPF1ESC
IBMF1F12
ຄອມ​ປະ​ກອບDelF12

ເຮົາ​ສາມາດກົດ​ປຸ່ມ​ດັ່ງ​ກ່າວ​ຕາມ​ຍີ​ຫໍ້ໄດ້​ຕັ້ງ​ແຕ່​ຕອນ​ເປີດ​ຄອມພິວເຕີ​ຂື້ນ​ມາ​ເພາະ​ຖ້າ ກົດ​ຊ້າ​ເກີນ​ໄປ​ຄອມພິວເຕີ​ຈະ​ເຂົ້າສູ້​ຫນ້າ​ຕ່າງ normal mode ຫລື ກໍ່ຄື​ຈະ​ເຂົ້າ​ສູ່​ໂໝດຫນ້າ​​ວິນ​ໂດ​ປົກກະຕິ​ໄປ​ກ່ອນ​ທີ​ເຮົາ​ຈະ​ກົດ

ວິທີ​ແກ້​ບັນຫາ​ວິນ​ໂດ​ຄ້າງ ພ້ອມ​ສາ​ເຫດທີ່​ມັກຄ້າງ (Fix Windows freezes)

ບັນຫາ Windows ຄ້າງເວົ້າໄດ້​ວ່າ​ເປັນ​ບັນຫາ​ສຸດ​ກວົນ​ໃຈ​ ​ແລະ ສ້າງ​ຄວາມ​ລຳ​ຄານ​ໃນ​ການ​ເຮັດ​ວຽກງານ​ຕ່າງໆ ຂອງ​ຜູ້​ໃຊ​ງານ​ລະບົບ​ປະຕິບັດການ​Microsoft ກໍ​ວ່າ​ໄດ້​ທັ້ງໆທີ່​ກະ​ໃຊ້​ວຽກງານ​ປົກກະຕິ ແລະ ຢູ່ໆມັນ​ກະ​ຄ້າງ​ເອງ​ເ​ຊິ່ງການ​ທີ​ວິນ​ໂດ​ຄ້າງ​ນີ້ກໍ​ມີ​ຫລາຍ​ສາ​ເຫດທີ່​ເຮົາ​ຄວນ​ແກ້​ໄຂ້.

  • ສາ​ເຫຕຸ Windows ຄ້າງ
  1. ໄຟລ໌ Windows ທີໄດ້​ມີການ​ຕິດ​ຕັ້ງ​ນັ້ນ​ບໍ່​ສົມບູນ
  • ມີໄວ​ຣັດ ​ຫລື​ ໂປ​ແກມ​ບາງ​​ໂຕ​ນັ້ນ​ໄປປ່ຽນແປງ​ຄ່າ​ຂອງ​ໄຟລ໌​ລະບົບ​ເທິງ Windows ຈຶ່ງ​ເຮັດ​​ໃຫ້ Windows ເກີດ​ຂໍ້​ຜິດ​ພາດ​ໃນ​ການເຮັດ​ໃຊ້​ງານ​ຕ່າງໆ
  • ການ​ເປີດ​ໂປ​ແກມ​ຫລາຍ​ເກີນ​ໄປ ຫລື​ ການ​ຫລິ້ນ​ເກ​ມ​ໜັກ​ໆ​ ທີ່ເຮັດໃຫ້​ເກີດ​ການ​ໃຊ້ງານຊັບ​ຢາ​ກອນ​ຂອງ​​ຄອມພິວເຕີ​ຫລາຍ​ເກີນ​ເຮັດ​ໃຫ້​ຮ້ອນ​ຈົນ​ເກນ​ໄປ​ກໍ​ເຮັດ​ໃຫ້​ຄອມ​ຄ້າງ​ໄດ້
  • ບັນຫາ​ຈາກ​ອຸປະກອນ​ເກັບ​ໄຟລ໌​ລະບົບ Windows ເກີດ​ມີ​ບັນຫາ​ເຊັ່ນ ​ຮາດດິດ​ເປັນ​ຕົ້ນ

 ວິທີ​ແກ້​ບັນຫາ Windows ຄ້າງ

  1. ລອງ​ສັງເກດ​ວ່າ​ໂປ​ແກມ​ທີ່ເຮົາ​ກໍ່ Install ລົງ​ໄປ​ລ່າ​ສຸດ​ນັ້ນ​​ແມ່ນໂປ​ແກມ​ຫຍັງ ເພາະ​ບາງ​ຄັ້ງອາດຈະ​ເກີດ​ຈາກ​ໂປ​ແກຣມ​ທີ່​ເຮົາ​ກໍ່​ຫາ​ກະຕິ​ດຕັ້ງກໍ່​​ເປັນ​ໄປໄດ້​ໃຫ້​ເຮົາ​​ຖອນ​​ໂປ​ແກມ​ທີ່​ເຮົາ​ຫາ​ຕິດຕັ້ງນັ້ນອອກ​ໄປ
  •  ຫລີກ​ລ້ຽງການ​ໄຊ້ Windows ຂອງ​ປອມ
  • ໃຊ້ໂປ​ແກ​ຣມແກນ​ໄວ​ຣັດ ​ແລະ ບໍ່​ເຂົ້າ​ ຫລື​ ດາວ​ໂຫລດ​ຟາຍ​ຈາກ​ເວັບ​ໄຊທີ່​​ບໍ່​ປອດ​ໄພ
  • ຫາກ​ຄອມພິວເຕີ​ຮ້ອນ​ຫລາຍ​ເກີນ​ໄປໃຫ້​​ຫາ​ວິທີ​ລຸດ​ຜ່ອນ​ຄວາມ​ຮ້ອນ​ເຊັ່ນ: ​ປັດ​ຝຸ່ນ​ພັດ​ລົມ, ປ່ຽນຊິ​ລິ​ໂຄນ​ໃຫ້​ກັບ​ຊິ​ພີ​ຢູ ຫລື​ ນຳ​ເອົາ​ພັດ​ລົມ​ລະບາຍ​ຄສາມ​ຮ້ອນ​ເຂົ້າມາ​ຊ່ວຍ
  • ອັບ​ເກ​ດ​ເປກ​ຄອມພິວເຕີ
  • ວິທີ​ສຸດ​ທ້າຍ​ຄືຕ້ອງ​ລອງ​ລົງ Windows ໃໝ່

​ຫາກວ່າ​ເຮັດ​ຕາມ​ນີແລ້ວ​ຍັງ​ບໍ່​ສາມາດ​ແກ້​ບັນຫາ​​ໄດ້​ອາດຈະ​ເປັນ​ໄປ​ໄດ້​ວ່າ​ເກີດ​ການ​ຊຳ​ລຸດ​ຂອງ​ຮາດ​ແວ​ເຊັ່ນ​ຮາດ​ດິດ​ ​ເກີດ​ມີ​ບັນຫາ Bad Sector ​ເປັນຕົ້ນ

ວິທີແກ້ບັນຫາ Folder Options ຫາຍ

ຂັນຕອນທີ1: ໃຫ້ເຮົາກົດປຸ່ມ Windows + R ຂຶ້ນມາ Run command ຈະປາກົດໜ້າຕ່າງດັ່ງຮູບດ້ານລ່າງໃຫ້ເຮົາພິມຄຳ ວ່າ “gpedit. msc ” ລົງໄປແລ້ວກົດ OK ເພືອເຂົ້າສູ Group Polic y

ຂັນຕອນທີ2: ເມືອໜ້າຕ່າງ Group Policy ປາກົດໃຫ້ເຮົາ ກົດ Dilldown ເຂົ້າໄປທີເມນູດ້ານຊ້າຍຕາມລຳດັບດັ່ງຕໍ່ໄປນີ້

User Configuration > Administrative Templates > All Setting (ຕາມຮູບດ້ານລຸ່ມ) ຈາກນັ້ນໃຫ້ເຮົາໄປຫາ

Setting ທາງດ້ານຂວາມື “Do not allow Folder Option to be opened from the Option…” ແລ້ວດັບເບີນຄິກຂຶ້ນມາ

ຂັນ​ຕອນ​ທີ3: ເຮົາ​ຈະ​​ເຫັນ​ໜ້າ​ຕ່າງ​ການ​ຕັ້ງ​ຄ່າ Folder Option ດັ່ງ​ຮູບ​ດ້ານ​ລຸ່ມ ຖ້າເປັນ Disable ກໍ​ໃຫ້​ປັບເປັນ Enable ພຽງ​ເທົ່າ​ນີ​ເມ​ນູ Folder Options ທີ​ຫາຍ​ໄປ​ຂອງ​​ເຮົາກໍ​ຈະ​ກັບ​ມາ​ຢູ່​ທີ​ເດີມ​

ວິທີ​ກວດ​ສອບ​ແລະ​ແກ້​ໄຂ ກໍລະນີ​ໄດລ​ເວີ​ມີ​ບັນຫາ​, ຫາໄດເວີບໍ່​​ເຫັນ, ລົງ​ໄດ​ເວີ​ບໍ່​ຄົບ

ຄອມພິວເຕີ​ມີ​ອາການ​ແປກໆ ເຮັດວຽກ​ໄດ້​ບໍ່​ເຕັມ​ທີ​ ບັນຫາ​ເຫລົ່າ​ນີ​ອາດ​ເກີດ​ມາ​ຈາກ​ການ ລົງ​ໄດລ໌​ເວີບໍ່​ຄົບ ບໍ່​ມີໄດ​ເວີ ຫລື​ ການ​ລົງ​ໄດ​ເວີບໍ່​ກົງ​ກັບລຸ້ນນັ້ນ​ເອງຈຶ່ງ​ເຮັດໃຫ້​ຄອມພິວເຕີ​ນັ້ນ​ເຮັດວຽກ​ໄດ້​ບໍ່​ເຕັມ​ປະ​ສົດ​ທິ​ພາບ​ ແລະ​ ມີ​ອາການ​ແປກໆ​ໃຫ້​ເຮົາ​ໄດ້​ເຫັນຢູ່​ເລື້ອຍໆ ດັ່ງ​ນັ້ນ​ຈື່ງ​ມາ​ແນະ​ນຳ​ວິທີ​ກວດ​ສອບ​ໄດເວີ ​ແລະ ​ວິທີ​ແກ້​ໄຂ​ເມື່ອ​ໄດເວີມີ​ບັນຫາ ໄດ​ເວີບໍ່​ຄົບ ໂດຍ​ຈະ​ມີ​ວິທີການ​ຢ່າງໃດ​ມາ​ເບິ່ງ​ນຳກັນ​ເລີຍ.

ວິທີ​ກວດ​ສອບ​ແລະ​ແກ້​ໄຂ​ໄດເວີມີ​ບັນຫາ ໄດ​ເວີບໍ່​ຄົບ:

  • ຂັນ​ຕອນທີ1: ກົດ​ປຸ່ມ Windows + R ຂຶ້ນ​ມາ​ຈາກ​ນັ້ນ​ພິມ​ຄຳ​ສັ່ງ mmc devmgmt. ms c ລົງ​ໄປ​ແລ້ວ​ກົດ OK
  • ຂັນ​ຕອນ​ທີ2: ໃຫ້​ເຮົາ​ສັງເກດ​ວ່າ​ລາຍ​ການ​ທີ​ສະແດງ​ອອກ​ມາ​ນັ້ນ​ມີ​ເຄື່ອງ​ໝາຍ​​ແນວ​ໃດ ຫລື ​ບໍ່​ມີ​ສະແດງ​ວ່າ​ໄດ​ເວີຕົວ​ນັ້ນ​ມີ​ບັນຫາ​ຢູ່ ແນ່ນ​ອນ

ໃຫ້​ເຮົາ​ຄິກ​ຂວາ​ທີ່​ໄດເວີ​ຕົວ​ທີ​ມີ​ບັນຫາ​ແລ້ວ​ເລືອກ​ເມນູ Properties ແລ້ວ​ເຮົາ​ຈະ​​ເຫັນ​ກັບ​ໜ້າ​ຕ່າງ​ລາຍ​ລະອຽດ​ຂອງ​ອຸປະກອນ​ນັ້ນ ຈາກ​ນັນ​ໃຫ້​ເຮົາ​ກົດ​ໄປ​ທີ​່ເມນູ Details ແລ້ວ​ເລືອກ​ຄ່າ Proprety ເປັນ Hardware IDs

ເຮົາ​ຈະ​ພົບ​ກັບ​ຄ່າ Value ຕ່າງໆ​ຂອງ​ຕົວ​ອຸປະກອນ​ນັ້ນ​ Value ນີ​ເອງ​ທີ​່ເຮົາ​ຈະ​ນຳ​ໄປ​ໃຊ້​ຄົ້ນ​ຫາ​ ແລະ ​ດາວນໂຫລດ​ໄດເວີຕ່າງໆ​ ​ໃນ​ອິນ​ເຕີ​ເນັດ​ຕ່າງໆ ຈາກ​ນັນ​ເມື່ອ​ໄດ້​ໄດເວີ​ແລ້ວ​ກໍ​ນຳ​ມາ​ຕິດ​ຕັງ​ໃຫ້​ຮຽບຮ້ອຍ ພຽງ​ເທົ່າ​ນີ​້ໄດເວີຕ່າງໆ​ຂອງ​​ເຮົາກໍ​ຈະ​ຄົບ​ແລ້ວ ຄອມພິວເຕີ​ກໍ​ຈະ​ເຮັດວຽກ​ໄດ້​ຢ່າງ​ເຕັມ​ປະ​ສົດ​ທິ​ພາບ​

ວິທີ​ແກ້​ບັນຫາ​​ເຄື່ອງ​ປິນ​ເຕີ້ບໍ່​ເຮັດວຽກ ປິນ​ບໍ່​ອອກ ​ແລະ ວິທີ​ແກ້​ໄຂບັນຫາ​ເບື່ອງ​ຕົ້ນ

ແກ້​ບັນຫາ​ຄອມ: ເຄືອງ​ປິນບໍ່​ເຮັດວຽກ ຫລື ປິ່ນ​ບໍ່​ອອກນັນ​ເປັນ​ບັນຫາ​ຍອດ​ຮິດ​ທີ​ຢູ່​ຄູ່​ກັບ​ຜູ້​ໃຊ້​ງານ​ເຄືອງ​ປິນ​ເຕີ້​ສະເໝີ​ບາງ​ຄັ້ງອາຈະເກີດ​ຈາກ​ການ​ບໍ່​ໄດ້​ໃຊ​ງານ​ດົນໆ​ຂອງ​ເຄືອງ ຫລື ​ອາດຈະ​ເກີດ​ຈາກ​ຊອບ​ແວທີ​ມີ​ການ​ຂັດ​ຂ້ອງ​ກັບ​ເຄືອງ​ປິນ ເຊ​ັ່ນ: ​ໄດເວີ​ເສຍ​ຫາຍຈຶ່ງ​ເຮັດໃຫ້​ເຄືອງ​ປິນ​ນັ້ນ​ບໍ່​ສາມາດ​ຕິດ​ຕໍ່​ກັບ​ເຄື່ອງ​ຄອມພິວເຕີ​ທີ​ສັ່ງ​ປິນ​ໄດ້​ ວິທີ​ການ​ກວດ​ເຊັກ​ແກ້​ບັນຫາ​ເຄືອງ​ປິນ​ບໍ່​ເຮັດວຽກ ເຄືອງ​ປິນ​ປິນ​ບໍ່​ອອກ




ວິທີ​ແກ້​ບັນຫາ​ເຄື່ອງ​ປິນ​ບໍ່​ເຮັດວຽກ ​ຫລື ເຄື່ອ​ງ​ປິນ​ບໍ່​ອອກ

1. ກວດ​ສອບ​ໃຫ້​ແນ່​ໃຈ​ວ່າເຄື່ອງ​ພິມ​ຂອງ​ເຮົາ​ວ່າ​ພ້ອມ​ໃຊ້ງານ​ ຫລື​ ບໍ່​ໃນ​ຖາດ​ມີ​​ເຈ້ຍ ​ຫລື​​ ບໍ່ໝຶກ​ມີ​​ແລ້ວ​ ຫລື ບໍ່.

2. ກວດ​ສອບ​ສາຍ​ເຄ​ເບີນ​ (USB) ເພື່ອ​ໃຫ້​ແນ່​ໃຈ​ວ່າ​ໄດ້​ຕໍ່​ເຂົ້າ​ກັບ​ເຄື່ອງ​ພິມ​ ແລະ ​ເຄື່ອງ​ຄອມ​ພິວ​ເຕີ​ແລ້ວ ຫລື ຍັງ.

3. ເຄຍ​ຫນ່ວຍ​ຄວາມ​ຈຳ​ຕົກ​ຄ້າງ​ ຫລື ຄຳ​ສັ່ງ​ທີ່​ສັ່ງ​ພິມ​ແລ້ວ​ຍັງໂດຍ​ການ​ປິດ​ເຄືອງ​ປະ​ມານ 30 ວິ​ນາ​ທີ​ເຖິງ 1 ນາ​ທີ​ແລ້ວ​ກໍ່ການ​ເປີດໃໝ່​ອີກ​ຄັງ.

4. ບາງ​ຄັ້ງ​ອາດ​ເກີດ​ຈາກ​ໄດ​ເວີ​ຂອງ​ເຮົາ​ເສຍ​ຫາຍ​ຈາກ​ໄວຣັດ​​ຕ່າງໆ ໃຫ້​ເຮົາ​ລອງ​​ຖອນ​ການ​ຕິດ​ຕັ້ງ​ໄດ​ເວີຈາກ​ນັ້ນ​ກໍ່​ Restart computer ​ແລ້ວ ​ກໍ່​ມາ​ຕິດ​ຕັ້ງ​ໄດ​ເວີ​ເຄື່ອງ​ພິມ​ໃໝ່​ອີກ​ຄັງ

5. ກວດ​ສອບ​ການ​ເຊັດ​ຄ່າ​ຂອງ Printer Service ໂດຍ​ສາມາດ​ເຮັດ​ໄດ້ ດັ່ງ​ນີ້ ຄິກ​ຂວາທີ My Computer ເລືອກ Manage ເລືອກ​ເມ​ນູ​​ທາງຊາຍ Services and Applications > ຈາກ​ນັນ Double Click Service ໃນ​ເມ​ນູ​ທາງຂ​ວາ

ໃຫ້​ເຮົາ​ເລືອນໆ ແລ້ວ​ມອງ​ຫາ Printer Spooler ກວດ​ສອບ​ສະຖານ​ Running ຫລື​ ບໍ່​ຖ້າ​ບໍ່​ໃຫ້​ເຮົາຄິກ​ຂວາ​ແລ້ວ

ກວດ​ສອບ​ຟາຍຕົກ​ຄ້າງ​ໃນ system32 ໂດຍ​ໃຫ້​ເຮົາ​ເຂົ້າໄປ​ທີ​ພາດ C: WINDOWSsystem32 spoolPRINTERS ແລ້ວ​ກໍ່ລບຟາຍ​ຕ່າງໆ​ອອກຈາກ​ນັ້ນ​ໃຫ້​ເຮົາ​ກັບ​ໄປ​ຍັງ​ຂັນ​ຕອນ Printer Spooler ແລ້ວ​ຄິກ​ຂວາ​ກົດ​ເມນູ Restart Printer Spooler ອີກ​ຄັງ​ພຽງເທົ່າ​ນີ​ກໍ່​ຈະ​ສາມາດ​ໃຊ້​ງານ​ປິນ​ເຕີ​ໄດ້​ປົກກະຕິ

ເທກ​ນິກ​ການ​ປ້ອງ​ກັນ ໄວຣັດ autorun ທີ​ຕິດ​ມາ​ຈາກ​ແຟ​ຣດ​ໄດ

ການ​ປ້ອງ​ກັນໄວ​ຣັດ autorun ທີ​ຕິດ​ມາ​ຈາກ​ Flash Drive ໄວ​ຣັດ autorun ນັ້ນ​ຈະ​ເຮັດວຽກ​ທັນ​ທີ​​ເມືອຕອນ​ທີ​ເຮົາສຽບ Flash Drive ຫລື USB ​​ເຂົ້າ​ກັບ​ຄອມພິວເຕີ​ຂອງ​​ເຮົາ ໂດຍ​ມັນ​ຈະ​ທຳ​ການ​ເປີດ​ໄດຂຶ້ນ​ມາ​ທັນ​ທີ​ໂດຍ​ທີເຮົາ​ຍັງ​ບໍ່​ໄດ້​ເປີດຖ້າ​ຫາກ​ມີ​ໄວ​ຣັດ​ອື່ນໆ ທີ​ຢູ່ໃນ Flash Drive ຂອງ​ເຮົາ​ກໍ​ຈະ​ເຮັດໃຫ້​ເຄື່ອງ​ຄອມພິວເຕີ​ຂອງ​ເຮົາ​ມີ​ໂອ​ກາດ​ທີ່ຈະ​ຕິດ​ໄວ​ຣັດທັນທີ​ ​ເຊິ​ງ​​ເຮົາ​ສາມາດ​ປ້ອງ​ກັນ​ໄວ​ຣັດ​ປະ​ເພດ​ນີໄດ້​ໂດຍ​ເທກ​ນິກ​ການ​ກົດ Shift:

ເທັກ​ນິກ​ການ​ກົດ Shift ເພືອ​ປ້ອງ​ກັນ​ໄວ​ຣັດ autorun

1. ກົດ​ປຸ່ມ Shift ຄ້າງ

2.  ສຽບ Flash Drive ໃນ​ພອດ USB

3. ກົດ​ປຸ່ມ Shift ຄ້າງ​ຕໍ່​ປະ​ມານ 3-5 ວິ​ນາທີ

4. ປ່ອຍ​ມື​ຈາກ​ປຸ່ມ Shift

5. ຈາກ​ນັ້ນ​ໃຫ້​ກົດ​ປຸ່ມ Windows + e ເພື່ອ​ເປີດ My Computer

6. ຄິກ​ຂວາ ​Flash Drive ເລືອກ​ຄຳ​ສັງ Scan Virus ຈາກ Antivirus ທີ​ເຮົາ​ຕິດ​ຕັ້ງ​ໄວ້​ໃນ​ຄອມ​ພິວ​ເຕີ​ຂອງ​ເຮົາ​ເທົ່າ​ນີ້​ເຮົາ​ກໍ່​ສາມາດ​ປ້ອງ​ກັນ​ໄວຣັດທາງ USB ​ໄດ້

Regedit ຄື​ຫຍັງ ແລະ ​ວິທີ​ແກ້​ໄຂ​ບັນຫາ​ເມືອ​ເຂົ້າ Regedit ບໍ່​ໄດ້

 Regedit ຄື (TheWaystoEnableRegedit) ໂປ​ແກມ​ທີ​ເກັບ​ຄ່າ​ການ​ຕັງ ຄ່າ​ສ່ວນ​ຕ່າງໆ ຂອງ​ລະບົບ​ປະຕິບັດການ Windows ຂອງ​ເຮົາ ຫລື Regedit ຈະ​ມີ​ໜ້າ​ທີ່ໃນ​ການ​ເປັນ​ສູນ​ການ​ຂອງ​ການ​ຄວບ​ຄຸມ​ທຸກ​ໆ ຢ່າງ​ໃນ​ລະບົບ​ວິນ​ໂດ​ແນ່ນອນ​ວ່າ​ເປັນ​ສິງ​ທີ່ສຳຄັນ​ຫລາຍ​​ດັ່ງ​ນັ້ນ ລະບົບ​ປະຕິບັດການ​ວິນ​ໂດ​ຂອງ​ເຮົາ​ຈຶ່ງ​ສ້າງ​ທາງ​ເຂົ້າ​ໄວ້​ຢ່າງ​ລັບໆ​ໂດຍ​ການ​ເຂົ້າ​ຈາກ​ຄຳ​ສັງ Command Line (CMD)

ຖ້າ​ Regidit ມັນ​ເຂົ້າ​ບໍ່​ໄດ້​ຈະ​ເຮັດ​ຢ່າງໃດ?

ສາ​ເຫດ​ບັນຫາ​ຂອງ​ການ​ເຂົ້າ Regidit ບໍ່​ໄດ້​ສ່ວນ​ໃຫຍ່​ມັນ​ຈະ​ເກີດ​ມາ​ຈາກ​ໄວ​ຣັດ ບາງ​ປະ​ເພດ​ນັ້ນ​ມັນ​ເຂົ້າໄປ​ປ່ຽນ​ການ​ຕັ້ງ​ຄ່າ Group Policy ຂອງ​ເຄື່ອງ​ຄອມພິວເຕີເຮັດໃຫ້​ບໍ່​ສາມາດ​ເຂົ້າໄປ​ໃນ​ເມ​ນູ Regedit ໄດ້​ ວິທີ່ ແກ້​ໄຂ​ການ​ເຂົ້າ Regedit ບໍ່​ໄດ້​ມີ​ດັ່ງ​ ຂັ້ນ​ຕອນ​ທີ1: ໃຫ້​ເຮົາ​ເປີດ​ໜ້າ​ຕ່າງ Run ຂື້ນ​ມາ​ແລ້ວ​ພິມ​ຄຳ​ວ່າ “gpedit.msc” ລົງ​ໄປ ແລ້ວ​ກົດ OK

ຖ້າ​ Regidit ມັນ​ເຂົ້າ​ບໍ່​ໄດ້​ຈະ​ເຮັດ​ຢ່າງໃດ?

ຂັ້ນ​ຕອນ​ທີ 2: ໃຫ້​ເຮົາ​ເລືອນໄປ​ຫາ​ເມ​ນູ​ດ້ານ​ຊ້າຍ​ Administrative Templates

ຂັ້ນ​ຕອນ​ທີ3: ຈາກ​ນັ້ນ​ໃຫ້​ເຮົາ​ເຂົ້າໄປ​ທີ່ System ແລ້ວ​ເລືອນໄປ​ຫາ​ເມ​ນູ​ຊ່ອງ​ດ້ານ​ຂວາ Prevent access to registry editing tools

ຂັນ​ຕອນ​ທີ4: ແລ້ວຈະເຫັນ​ໜ້າ​ຕ່າງ​ການ​ຕັ້ງ​ຄ່າຕ່າງໆຂອງ​ Registry editng tools ແລ້ວກໍ່ເຂົ້າໄປຕັ້ງຄ່າຕາມຄວາມຕ້ອງການ

ວິທີ​ກຳຈັດ​ໄວ​ຣັດ​ Folder ຫລື ໄວ​ຣັດ Shortcut

ສ່ວນຫລາຍທີ່ເຮົາພົບເຫັນເວລາ​​ເອົາ​ Flash Drive (UBS) ໄປ​ສຽບ​ໃນ​ເຄື່ອງຄອມພິວເຕີຫນ່ວຍອື່ນ ຫລື ໃນທີ່ສາທາລະນະ​ຕ່າງໆ​ ເພື່ອ copy ຟາຍ​ໃສ່ Flash Drive ​ຂອງ​ເຮົາເຊັ່ນ: ເຮັດວຽກຫ້ອງ​ຄອມພິວເຕີ​ໃນ​ສະຖານຕ່າງໆ ເປັນ​ຕົ້ນ ແລ້ວ​ເມືອເອົາກັບ​ມາ​ທີ່​ຫ້ອງການ ​ຫລື ຄອມສ່ວນຕົວເວລາ​ເປີດ​ຟາຍຂື້ນມາ​ປາກົດ​ວ່າໂຟນ​ເດີ​ຟາຍ​ຂອງ​ເຮົາ​ນັ້ນກາຍ​ເປັນ type  shortcut ໄປ​ຊະ​ໝົດ ບໍ່​ໜຳ​ຊຳ​ຍັງ​ບໍ່​ສາມາດ​ເປີດ Folder ນັ້ນ​ໄດ້​ອີກ ວິທີ​ແກ້​ໄວ​ຣັກ Copy Folder ຫລື ​ທີບາງ​ຄົນ​ເອີ້ນວ່າ ໄວ​ຣັດ shortcut

1. ກົດ ປຸ່ມ Window + r ຫລື ເຂົ້າ Run ແລ້ວ​ພິມ cmd ແລ້ວ​ກໍ່ Enter ຈະ​ປາກົດ​ໜ້າ​ຈໍ Command Dos ດັ່ງ​ຮູບ​ດ້ານ​ລຸ່ມ

2. ຈາກ​ນັ້ນ​ໃຫ້​ເບິ່ງ​ວ່າ Flash Drive ຂອງ​ເຮົາ​ເປັນ​ Drive ​ຫຍັງ​ເຮົາສຽບ​ເຂົ້າ​ກັບຄອມພິວເຕີ​ຂອງ​ເຮົາເຊັ່ນ: ​ ເຮົາ​ໄປ​ເບິ່ງ​ທີ່ My computer ຊ່ອງ Flash Drive ​ຂອງເຮົາຂື້ນເປັນໂຕໃດ ຖ້າຂື້ນ G ກໍ່ໃຫ້​ພິມg: ຫາກ​ເປັນ​ Drive F = f: ເປັນ​ຕົ້ນແລ້ວ​ກົດ Enter (ໃນ​ຮູບ​ຕົວ​ຢ່າງ​ດ້ານ​ເທິງ​ Flash Drive ຂອງເຮົາເປັນ F ຈຶ່ງ​ຂື້​ເປັນ F: )

3.ຈາກ​ນັ້ນ​ໃຫ້​ກໍ່​ພິມ​ຄຳວ່າ attrib ­r ­s ­a ­h /d /s ແລ້ວ​ກົດ Enter

4.  ຫລັງ​ຈາກ​ທີ່​ຄຳ​ສັງ​ນັ້ນ​ຈະປະ​ມວນ​ຜົນ​ສຳ ເລັດ​ແລ້ວ​ໃຫ້​ເຮົາ​ກັບ​ໄປ​ເບິ່ງ​ທີ່​ Flash Drive ຂອງ​ເຮົາ​ກໍ່​ຈະ​ເຫັນ​ຟອນ Folder

5. ທີ່​ແທ້​ຈິງຂອງ​ເຮົາ​ຂື້ນມາ ຈາກ​ນັ້ນ​ກໍ່ເຂົ້າໄປ​ລົບ Folder ທີ່ເປັນປະ​ເພດ Shortcut ​ໄປ​ໄດ້​ເລີຍພຽງ​ເທົ່າ​ນີ້ເຮົາ​ກໍ​ສາມາດ​ກຳຈັດ​ໄວ​ຣັດ​ຕົວ​ນີ້ໄປ​ໄດ້​ໂດຍ​ບໍ່​ຕ້ອງ​ເຖິງ​ມື Antivirus

ສາ​ເຫດ​ແລະ​ວິທີ​ແກ້​ບັນຫາ​ຄອມພິວເຕີ Restart ເອງ (fix computer restarting problem)

ຄອມພິວເຕີທີ່ມັກເກີດອາການ​ Restart ​​ເອງເລື່ອຍໆ ນັ້ນ​ເປັນ​ບັນຫາ​ທີ່ຫລາຍ​ຄົນ​ເອງ​ນັ້ນ​ຄົງ​ປວດ​ຫົວ ແລະ ລຳຄານ​ຢູ່​ບໍ່​ນ້ອຍເ​ນື່ອງຈາກ​ໃນ​ເວລາ​ນັ້ນ​ເຮົາ​ອາດຈະ​ເຮັດວຽກ​ປະໄວ້​ແລ້ວ​ຍັງ​ບໍ່​ໄດ້​ມີການ​ບັນ​ທຶກ​ນັ້ນ ກໍ່ຈະເຮັດໃຫ້ຂໍ້ມູນເສຍຫາຍໄດ້ ສາ​ເຫດ​ບັນຫາ​ຄອມພິວເຕີ Restart ເອງ​ເລື່ອຍໆ ນັ້ນ​ມັກ​ຈະ​ແບ່ງ​ອອກ​ເປັນ 2 ປະ​ເພດ ຄື: ບັນຫາ​ທາງ​ຮາ​ດ​ແວ ແລະ ບັນຫາ​ທາງຊອບ​ແວ ຫລື​ ລະບົບ​ປະຕິບັດການ OS ນັ້ນ​ເອງ


ສາ​ເຫດ​ແລະ​ວິທີ​ແກ້​ບັນຫາ​ຄອມພິວເຕີ Restart ເອງ

1. ເກີດ​ຈາກ​ການ​ອັບ​ເກດ​ອຸປະກອນ​ໃໝ່​ເຂົ້າໄປ

ສາ​ເຫດ: ແຕ່​ອຸປະກອນ​ນັ້ນ​ບໍ່​ສາມາດ​ເຮັດວຽກ​ຮ່ວມ​ກັບ​ອຸປະກອນ​ຕ່າງໆ​ລວມ​ໄປ​ເຖິງ​ເມນ​ບອ​ດ​ໄດ້​ດີ​ເຊັ່ນ: ​ເກີດ​ຈາກ​ການ​ໃຊ້​ແລມ​ຄົນ​ລະ​ຍີ​ຫໍ້ ຫລື ມີ​ບັດ​ທີແຕກ​ຕ່າງ​ຈາກ​ແລມ​ທີມີ​ຢູ່​ເດີມ

ວິທີ​ແກ້​ບັນຫາ: ການ​ກວດ​ເຊັກ​ຄວນ​ຖອດ​ແລມ​ທີ່ຈະອັບ​ເກດ​ເຂົ້າໄປ​ໃໝ່​ອອກ​​ ແລ້ວ​ຈຶ່ງ​ທົດລອງ​ໃຊ້​ງານຫາກ​ບັນຫາ​ນີ ຫາຍໄປກະສະແດງວ່າເປັນ​ເພາະ​ແລມ​ຕົວ​ໃໝ່​ນັ້ນ​ເອງ

2. ເກີດ​ຈາກ​ພາ​ເວີ​ຊົບ​ພ່າຍ (Power Supply)

ສາ​ເຫດ: ເນື່ອງ​ຈາກ​ບາງ​ຄັ້ງ​ພາຍ​ໃນ​ເຄດ​ຂອງ​ເຮົາ​ມີ​ການ​ຕິດ​ຕັ້ງ​ອຸປະກອນ​ຫລາຍ​ເກີນ​ໄປ ແລະ ແຕ່​ລະ​ຕົວ​ກໍ​ລ້ວນ​ກິນ​ໄຟ​ຄ່ອນ​ຂ້າງ​ຫລາຍ​ເຊັນ: ​ການຕິດ​ຕັ້ງຮາ​ດ​ດິດຫລາຍຕົວ ຫລື​ຕິດ​ຕັ້ງກາດຈໍລະບົບ 3 ມິ​ຕິ​ກ່ຽວກັບການໃຊ້ງານຫນັກໆ ອຸປະກອນ​ເຫລົ່າ​ນີ້ອາດ​ເຮັດໃຫ້​ພາ​ເວີ​ຊັບ​ພ່າຍ​ຈ່າຍ​ໄຟ​ບໍ່​ພຽງ​ພໍ​ຈົນ​ເຮັດໃຫ້ ຄອມພິວເຕີຂອງເຮົາ​ຕ້ອງ​Restart ໃໝ່​ຢູ່​ເລື່ອຍໆ

ວິທີ​ແກ້​ບັນຫາ: ສ່ວນມັກເກີດຈາກພາເວີຊັບພ່າຍ, ແຕ່ກະຕ້ອງເບິງວ່າອຸປະກອນທີ່ເສີມຖືກຕາມລຸ້ມທີ່ເຮົາມີແລ້ວ ຫລື ບໍ່ ຫລື ຈະຕ້ອງປ່ຽນ​ພາ​ເວີ​ຊັບ​ພາຍ​ຕົວ​ໃໝ່​ທີ່ມີ​ວັດສູງ​ກວ່າ​ເກົ່າ

3. ເກີດ​ຈາກ​ໄວ​ຣັດ ແລ້ວ Restart

ສາ​ເຫດ: ມີ​ຄວາມ​ເປັນ​ໄປ​ໄດ້​ວ່າ​ຄອມພິວເຕີ​ທີ່​ຕິດ​ໄວ​ຣັດ​ນັ້ນ​ອາດຈະ​ໄດ້ຮັບ​ຜົນ​ກະທົບ​ຈາກ​ການ​ທີ່ ໄວ​ຣັດ​ນັ້ນ​ເຂົ້າໄປ​ປົນເປ ປ່ຽນນ​ແປງ​ຄ່າຕ່າງໆ ຫລືຄ່າຂອງ Registry ພາຍ​ໃນ​ລະບົບ OS ຂອງ​ເຮົາ​ໃຫ້​ມີ​ຄວາມ​ຜິດ​ພາດໃນລະບົບ ແລະ ຜິດປົກກະຕິ​ເຮັດໃຫ້ເກີດບັນຫາຕ່າງໆຕາມມາ​

ວິທີ​ແກ້​ບັນຫາ: ບູດ​ເຂົ້າລະບົບວິນໂດ ແບບ safe mode ແລ້ວ ເປີດ msconfig ໂດຍ​ໄປ​ທີ start > run > ພິມ​ວ່າ msconfig ຈາກ​ນັ້ນ​ໄປ​ທີ່ ຊ່ອງ start up ໃຫ້ເຂົ້າໄປ​ເບິ່ງ​ໃນ registry ຫລື Regedit ວ່າມີການຜິດ​ປົກກະຕິ​ ຫລື ບໍ່ ​start ມັນ​ຂຶ້ນ​ມາ​ຕອນ​ທີເຮົາ​ເປີດ​ເຄື່ອງບໍ່ ມັນ​ຈະ​ມີ​ຟາຍ​ແປກໆ ​ຫລື ​ບໍ ແລະ ​ຕ້ອງສັງເກດ​ວ່າມັນ​ແມ່ນ​​ໂປ​ແກຣມ​ທີເຮົາ​ໃຊ້ງານ​ຢູ່​ແທ້​ໆ  ສ່ວນ​ໃຫຍ່​ຈະ​ເປັນ “ຕົວ​ເລກ” ແລ້ວກໍ່ໄປເບິງຄ່າຂອງຟາຍ system ຂອງ​ລະບົບ​ເຊັ່ນ: SVVIHOST, SCVVHOST ຖ້າຜິດປົກກະຕິກໍ່ໃຫ້ເອົາເຄື່ອງຫມາຍອອກອອກ ແລ້ວ​ກໍ່ restart ເຄື່ອງໃໝ່

5. ກະ​ແສ​ໄຟ​ຟ້າ​ບໍ່​ປົກກະຕິ ຫລື ບໍ່​ພຽງ​ພໍ

ສາ​ເຫດ: ເກີດ​ຈາກ​ປັກບໍ່ແໜ້ນ​ໄຟ​ເກີດ​ການ​ຫລວມ ຫລື ປັກ​ໄຟ​ບໍ່​ໄດ້​ມາດຕະຖານ​ຈຶ່ງ​ເຮັດໃຫ້​ໄຟ​ຟ້າ​ທີ່ຈ່າຍ​ໃຫ້​ກັບ​ເຄື່ອງ​ຄອມພິວເຕີ​ຂອງ​ເຮົາ​ນັ້ນບໍ່ພຽງ​ພໍ​

ວິທີ​ແກ້​ບັນຫາ: ໃຫ້ລອງ​ປ່ຽນປັກ​ໄຟ​ໃໝ່ ​ຫລື​ ລອງ​ຍ້າຍ​ຄອມພິວເຕີ​ໄປ​ສຽບໃສ່ປັກ​ໄຟ​ຕົວ​ອື່ນ​ໃນ​ບໍລິເວນທີ່ໃກ້ຄຽງເບິ່ງ​ຖ້ສະດວກ

ບັນຫາ​ທີເກີດ​ຈາກ​ອຸປະກອນ​ຮາດ​ແວ​ອື່ນໆ

ແຣມ: ເກີດມີບັນຫາ, ມີ​ອາການ​ສະແດງ​ໜ້າ​ຈໍສີຟ້າ (ບູສະກຣີນ) ຫລື ເຮັດ​ຄວາມ​ສະ​ອາດ ອາດ​​ຊ່ວຍ​ໄ​ດ້

ກາ​ດ​ຈໍ: ມັກ​ເກີດ​ໃນວເລາໃຊ້ງານຫນັກ​ໆທີ່ເຮັດໃຫ້ຮ້ອນ​ຈັດ ອາດ​ມີ​ບັນຫາມາ​ຈາກ​​ຄຸນນະພາບ​ຕ່ຳ ລະບາຍ​ຄວາມ​ຮ້ອນ​ບໍ່​ດີ​ລອງ​ໃຊ້​ກາດຈໍ​ອື່ນ​ແທນ​ຫາກ​ບັນຫາ​ຫາຍ​ໄປກໍ່ຕຽມ​ເຄມ​ ຫລື ປ່ຽນໃຫມ່ໄດ້​ເລີຍ

ຊີພີຢູ: ລະບາຍ​ຄວາມ​ຮ້ອນ​ບໍ່​ດີ​ອາດ​ມີ​ຂາ​ລັອກ​ພັດ​ລົມ​ຫລວມ ຊິ​ລິ​ໂຄນ​ແຫ້​ງ ຫລື ພັດ​ລົມ​ໝຸນ​ຊ້າ ຫລື​ບໍ່​ໝຸນຫາກ​ເກີດ​ບັນຫາ​ນີ້ມັນຕ້ອງ​ໃຊ້ເວລາ​ດົນ​ໃນ​ການ Restart ​ ຫລື​ ອາດ​ເປີດ​ບໍ່​ໄດ້​ເປັນ​ເວລາ​ດົນ

ເມນ​ບອ​ດ: ມີ​ຊິບ​ບາງ​ຕົວ​ມີບັນຫາມີການລຸດ ຫລື ຄາ​ປາ​ຊິ​ເຕີ​ບາງ​ຕົວ​ລຸດ ເຮັດໃຫ້​ແຮງ​ດັນ​ເທິງ​ບອ​ດ​ໄໝ​ ຫລື​ ຂາດ​ຫາຍ​ໄປ ກໍ່​ຈະ​ Restart ​ເອງ​ໄດ້​ຕ້ອງ​ສ້ອມແປງລອງເບິງຖ້າສາມາດແປງໄດ້​ ຫລື ​ຖ້າມີບັນຫາໃນເລື່ອງນີ້ປ່ຽນໃຫມ່ກໍ່ເປັນການດີ ສາ​ເຫດ​ບັນຫາ​ທີກ່າວ​ມາ​ນີ້ ​ເປັນ​ສາ​ເຫດ​ບັນຫາ​ທີ່ໄດ້ພົບເຫັນຢູ່​​ເລື່ອຍ​ໆ.

ແຕກ​ຕ່າງ ​ແລະ ດີກວ່າ​ຈາກ Hard disk ຢ່າງໃດ

ຫລາຍໆ ​ຄົນ​ທີ​ກຳ​ລັງ​ຈະ​ຫາໂນດ​ບຸກ ​ຫລື ​ຄອມພິວເຕີ​ໃໝ່​ນັ້ນອາດເຫັນ​ກັບ​ຄຳ​ວ່າ SSD ໃນ​ເປກ​ຄອມພິວເຕີ​​ແລ້ວ​ອາດຈະ​ສົງ​ໄສ​ວ່າ ​ຄຳ​ວ່າ SSD ນັ້ນແມ່ນ​ຫຍັງແລ້ວ SSD ຕ່າງຈາກ​ຮາດດິດ​ແບບ​ເດີມ​ຢ່າງໃດ

  • SSD ແມ່ນ​ຫຍັງ​ກ່ອນ​ອື່ນ​ເຮົາ​ມາ​ເບິ່ງ​ຮູບ​ຮ່າງ​ໜ້າ​ຕາ​ຂອງ​ຮາ​ດ​ດິດ​ແບບ​ທີ່​ເຮົາ​ໃຊ້​ກັນ​ທົ່ວ​ໄປ​ແນວໃດກັບ​ຮາ​ດ​ດິດ SSD ແບບ​ໃໝ່​ກັນ​ກ່ອນ​ວ່າແຕກ​ຕ່າງ​ກັນ​ແນວໃດ
  1. ຮາດ​ດິດ​ແບບ​ຈານ​ໝຸນ​ທີ່​ເຮົາ​ໃຊ້​ກັນ​ທົ່ວ​ໄປ

2. ຮາ​ດ​ດິດ​ແບບ SSD

SSD (Solid State Drives) ຄືຮາ​ດ​ດິດ​ແບບ​ໃໝ່​ທີ່ເປັນ​ການ​ໃຊ້​ປະ​ໜ່ວຍ​ຄວາມ​ຈຳແບບ​ເກັບ​ຂໍ້​ມູນ​ແທນ​ຈານ​ແມ່​ເຫ​ລັກ​ຄື​ກັບ​ Flash Drive ໂດຍ SSD ມີ​ສ່ວນ​ປະກອບ 2 ພາກສ່ວນ​ສຳ​ຄັນໄດ້​ແກ່

  1. ຊິບ​ຫນ່ວຍ​ຄວາມ​ຈຳ
  • ຊິບ​ຄອນ​ໂຊນ​ເລີສຳລັບ​ຄວບ​ຄຸມ​ການເຮັດວຽກງານ

      ເຊິ່ງ Hard disk SSD ທີ່ຜະລິດອອກມາ 2 ແບບຈະ​ແບ່ງ​ຕາມ​ຊະນິດ​ຂອງ​ຊິບ​ຫນ່ວຍ​ຄວາມ​ຈຳໄດ້​ແກ່

1.1 NOR Flash ຈະ​ເປັນ​ແບບ​ທີ່​ຫນ່ວຍ​ຄວາມ​ຈຳ​ແຕ່​ລະ​ຊິບ​ຈະ​ຖືກ​ເຊືອມ​ຕໍ່​ກັນເຮັດໃຫ້​ສາມາດ​ເຂົ້າ​ເຖິງ​ຂໍ້​ມູນ​ໄດ້​ຢ່າງ​ອິດສະຫລະ ແລະ ອ່ານ​ຂໍ້​ມູນ​ໄດ້​ວ່ອງໄວ​ຫລາຍ ແຕ່​ມີ​ຄວາມ​ຈຸ​ຕຳ ແລະ ລາ​ຄາ​ແພງ​ຫລາຍກວ່າ NAND Flash

2.2 NAND Flash ຈະ​ເປັນ​ແບບ​ເຂົ້າ​ເຖິງ​ຂໍ້​ມູນ​ເທື່ອລະ​ບັອກ​ເຮັດໃຫ້​ມີ​ຄວາມ​ຈຸ​ສູງ​ລາ​ຄາ​ຖືກ​ມີ​​ລັກສະນະ​ໂຄງ​ສ້າງ ​ຄ້າຍຄືກັບ Flash Drive ຊິ່ງ​ແບ່ງ​ອອກ​ເປັນ 2 ປະ​ເພດໄດ້​ແກ່

  • Single Level Cell (SLC) ຄືໃນ​ແຕ່​ລະ​ເຊວ​ເກັບ​ຂໍ້​ມູນ​ໄດ້ 1 ບິດ ເຮັດວຽກ​ໄວ​ກິນ​ພະລັງ​ຫນ້ອຍ ແລະ ມີ​ອາ​ຍຸ​ການ​ໃຊ້​ງານ​ດົນສາມາດ​ຂຽນ​ໄດ້​ປະ​ມານ 1 ແສນ​ຄັ້ງແຕ່​ລາ​ຄາ​ແພງ
    • Multi Level Cell (MLC) ຄືໃນ 1 ເຊວ​ຈະເກັບ​ຂໍ້​ມູນ​ໄດ້​ຫລາຍກວ່າ 1 ບິດ ຄວາມ​ໄວ​ຕ່ຳ​ກວ່າ​ແລະ ໃຊ້​ພະລັງ​ງານ​ຫລາຍກວ່າ​ SLC ສາມາດ​ຂຽນ​ໄດ້​ປະ​ມານ​ບໍ່​ເກີນ 1 ແສນ​ຄັ້ງມີ​ລາ​ຄາ​ຖືກ​
  • ຂໍ້​ດີ​ ແລະ ຂໍ້​ເສຍ​ຂອງ SSD
  • ຂໍ້​ດີ
  • ເວລາ​ການ​ເຂົ້າ​ເຖິງ​ຂໍ້​ມູນ​ໄວ​ກວ່າ​ຮາ​ດ​ດິດທົ່ວໆໄປ
  • ງຽບ​ເພາະ​ບໍ່​ໄດ້​ໃຊ້​ຈານ​ໝຸນ​ຄື​ຮາ​ດ​ດິດທົ່ວໆໄປ
  • ທົນທານຕໍ່​ແຮງ​ກະ​ແທກ, ການ​ສັນ​ສະ​ເທືອນ ແລະ ​ອຸນຫະພູມ​ທີ​ສູງ​ກວ່າ
  • ມີນຳ​ໜັກ​ເບົາ​ກວ່າ​ຮາ​ດດິດ​ແບບ​ຈານ​ໝຸນ
  • ຄວາມ​ຮ້ອນ​ນ້ອຍ​ກວ່າ​ຮາດ​ດິດ​ແບບ​ຈານ​ໝຸນຫລາຍເທົ່າ
  • ບັນຫາໃນ​ເລື່ອງ​ການ​ກະ​ຈາຍ​ຂອງ​ຟາຍ (File Fragmentation) ບໍ່​ມີ​ຜົນ​ຕໍ່​ຄວາມ​ໄວ​ຂອງ SSD ອີກ
  • ຂໍ້​ເສຍ
  • ລາ​ຄາ​ແພງ ເມືອ​ທຽບ​ກັບ​ຮາດ​ດິດ

ຄວາມ​ຈຸ​ຕ່ຳ

Wireless, Wi-Fi, Internet ບໍ່​ຖຽນ ຫລື ມັກຫລຸດ ມີບັນຫາເລື່ອຍ (fix wifi connection)

ຫລາຍ​ຄົນ​ຄົງ​ເຄີຍ​ເຫັນ​ກັບ​ບັນຫາກ່ຽວກັບ wifi ບໍ່​ຖຽນ ຫລື ຫລຸດຢູ່​ເລື່ອຍໆ ເຂົ້າ wifi ບໍ່​ໄດ້, ສາ​ເຫດ​ຂອງ​ອາການ​ດັ່ງ​ກ່າວ​ນັ້ນ​ອາດ​ມີ​ໄດ້​ຫລາຍ​ສາ​ເຫດ​ດ້ວຍກັນເຊັ່​ນ ອາການ​ຄ້າງ​ຂອງ​ຊອ​ບ​ແວ​ພາຍ​ໃນ​ເຄື່ອງ​ຂອງ​ຄອມພິວເຕີ ຫລື ​ແມ່ນ​ກະ​ທັງ​ໂດນ​ໄວ​ຣັດ​ບາງ​ປະ​ເພດ​ທີ່​ເຂົ້າໄປ​ແລ້ວເຮັດໃຫ້​ໄດ​ເວີຂອງ​ລະບົບ network ມີບັນຫາຢູ່ຕະຫລອດເຊິ່ງເປັນບັນຫາທີ່ສ້າງຄວາມລຳຄານໃຫ້ແກ່ຜູ້ໃຊ້ງານຄອມພິວເຕີທັງຫລາຍ  ​   ວິທີ​ແກ້​ບັນຫາການຕໍ່ Wi-Fi ບໍ່​ໄດ້ ຫລື ບັນຫາ Internet ບໍ່​ໄດ້ສາມາດ​ເຮັດ​ໄດ້​ຕາມ​ຂັນ​ຕອນ​ຕໍ່ໄປ​ນີ້

ວິທີ​ແກ້​ບັນຫາ Wi-Fi ໂດຍ​ຄຳ​ສັ່ງ Command Dos

1. ກົດ Window + R ເພື່ອ Run command ຂື້ນ​ມາຈາກ​ນັ້ນ​ໃຫ້​ພິມ​ຄຳ​ວ່າ CMD ລົງ​ໄປ​ແລ້ວ​ກົດ Enter
2. ພິມຄຳສັ່ງ netsh Winsock reset ລົງໄປແລ້ວກົດ Enter
Tip: ຄຳສັ່ງ netsh Winsock reset ເປັນຄຳສັ່ງທີ່ໃຊ້ໃນການລີເຊັດລະບົບ Network ທີ່ຮັບສົ່ງຂໍ້ມູນຕ່າງໆຈາກເຊີເວີກັບເຄື່ອງຄອມພິວເຕີຂອງເຮົາ

3. ກໍ່ການ Restart ຄອມພິວເຕີ​ອີກ 1 ຄັ້ງ

ພຽງ​ເທົ່າ​ນີ​ລະບົບ Wifi ຫລື ລະບົບ Network ຂອງ​ເຮົາ​ກໍ່​ຈະ​ກັບ​ສູ​ປົກກະຕິ​ແລ້ວ​​​ ແຕ່​ຫາກ​ຍັງ​ເກີດ​ບັນຫາ​ເຄືອ​ຂ່າຍຍັງ​ບໍ່​ຖຽນ​ຫລື network ຢູ່​ສາມາດອ່ານ​ວິທີ​ແກ້​ໄດ້​ເພີມ​ເຕີມທີ​ນີ້ (http://itnews4u.com/How­to­troubleshoot­a­slow­Internet .html)

ວິທີ​ Update Driver Wifi ໂນດບຸກເພື່ອ​ແກ້​ບັນຫາ Wifi ມັກ​ຫລຸດ ເລື່ອຍໆ (Windows 7, 8, 10)

ສັນຍານ wifi ມັກຫລຸດເລື່ອຍໆ ບັນຫາອາການເຫລົ່ານີ ອາດຈະເກີດຈາກ ໄດເວີຂອງເຮົາເອງເກີດຜິດປົກກະຕິ
ອັນເນື່ອງມາຈາກໄດເວີນັ້ນເກີດຄວາມເສຍຫາຍ ເຊິ່ງວິທີແກ້ກໍຄືການນຳໄດເວີມາລົງໃໝ່ ຫລື ກໍ່ຕ້ອງອັບເດດໄດເວີ ແລະ ແນ່ນອນວ່າການຫາໄດເວີມາລົງເອງໃຫ້ກົງຕາມລຸ້ນນັ້ນອາດຈະເປັນເລື່ອງຍາກສຳລັບມືໃໝ່ ແນະນຳວິທີຫາ ແລະ ດາວໂຫລດໄດເວີເທິງWindows ດັ່ງນີ້:

• ວິທີອັບເດດໄດເວີ Wi-Fi Note book

  1. ກົດປຸ່ມ Windows + R ເພື່ອເອີ້ນ Run Command ຂຶ້ນມາຈາກນັ້ນພິມຄຳວ່າ devmgmt.msc ແລ້ວກົດ OK

ຈາກນັ້ນໃຫ້ໄປທີ່ຫົວຂໍ້ Network adapters ເຮົາຈະເຫັນສ່ວນໄດເວີຂອງກາດແລນຫາກໄດເວີນັ້ນມີຄວາມຜິດປົກກະຕິກໍ່ຈະເຫັນຫມາຍທ້ວງ ຫລື ຈະສະແດງສັນຍະລັກສາມລ່ຽມສີເຫລື່ອງອອກມາໃຫ້ເຫັນເພື່ອສາມາດແກ້ບັນຫາໂດຍການກົດຄິກຂວາ ແລ້ວກົດ Update Driver Software ເພື່ອອັບເດດ ຫລື ລົງໄດເວີໃຫມ່ໄດ້ເລີຍຈາກນັ້ນຄອມພິວເຕີຂອງເຮົາຈະຄົ້ນຫາ ແລະ ຕິດຕັງໄດເວີທີມີບັນຫາແບບອັດໂຕໂນມັດ

SSL for business, from $12.88

Leave a Reply

Your email address will not be published. Required fields are marked *