ການຮຽນອອນລາຍດີແນວໃດ ?

ການຫາຄວາມຮູ້ ຫຼື ຮຽນຮູ້ສິ່ງໃໝ່ໆ ເພື່ອພັດທະນາສັກກະຍະພາບຂອງຕົນເອງເປັນເລື່ອງທີ່ດີແມ່ນບໍ ເຊັ່ນ : ຢາກພັດທະນາເລື່ອງພາສາໃນການສື່ສານ ເພື່ອເພີ່ມໂອກາດໃນການເຮັດວຽກ ໂດຍປົກກະຕິແລ້ວເຮົາຈະຕ້ອງເດີນທາງໄປຮຽນຢູ່ສະຖາບັນ ຫຼື ໃນສະຖານທີ່ທີ່ຈັດກຽມໄວ້ ແລ້ວຖ້າສະຖານທີ່ນັ້ນມັນໄກຈາກທີ່ພັກຂອງເຮົາຫຼາຍຈະເຮັດແນວໃດດີ ຫຼື ເວລາທີ່ຮຽນບໍ່ຕົງກັບເວລາວ່າງ ເຮັດໃຫ້ສະຖາບັນຕ່າງໆ ເອົາໃຈຄົນໄກບ້ານ ຫຼື ເວລາບໍ່ຕົງກັນດ້ວຍການຮຽນການສອນອອນລາຍ.
ບາງຄົນອາດມີຂໍ້ສົງໄສວ່າການຮຽນອອນລາຍດີແນວໃດ ຮຽນແລ້ວຈະໄດ້ຜົນ ຫຼື ບໍ, ພວກເຮົາທີມງານຄູ່ມືຈຶ່ງນໍາເອົາ 5 ຂໍ້ດີຂອງການຮຽນອອນລາຍມາຝາກໃຫ້ທຸກຄົນໄດ້ຮູ້ນຳກັນ :

1. ເວລາບໍ່ແມ່ນປັນຫາ ເຈົ້າເລືອກໄດ້:
ການຮຽນຜ່ານລະບົບອອນລາຍ ເຈົ້າສາມາດເລືອກຮຽນ
ໃນຊ່ວງເວລາທີ່ເຈົ້າສະດວກໄດ້ຕາມຕ້ອງການ ເຊິ່ງຕອບໂຈດຫຼາຍສໍາລັບຄົນທີ່ມີວຽກປະຈໍາ ຫຼື ກິດຈະກໍາທີ່ມີການກໍານົດຊ່ວງເວລາ ການຮຽນອອນລາຍຈະບໍ່ສົ່ງຜົນກະທົບຕໍ່ວຽກຫຼັກຂອງເຈົ້າແນ່ນອນ.

2. ຢູ່ໃສກໍ່ຮຽນໄດ້ ເວລາໃດກໍ່ໄດ້:
ການຮຽນອອນລາຍ ຮຽນໄດ້ທຸກບ່ອນ ຕາມທີ່ເຈົ້າຕ້ອງການ ພຽງແຕ່ມີສັນຍານອິນເຕີເນັດ ແລະ ອຸປະກອນໃນການເຂົ້າເຖິງສື່ການຮຽນ ເຊັ່ນ : ຄອມພິວເຕີໂນ໊ດບຸກ, ແທັບເລັດ ຫຼື ໂທສະສັບມືຖືເປັນຕົ້ນ, ບໍ່ວ່າຈະຢູ່ບ່ອນໃດກໍ່ຮຽນຮູ້ໄດ້ ແຕ່ການຮຽນອອນລາຍ ເຈົ້າຄວນກວດຄວາມໄວຂອງສັນຍານອິນເຕີເນັດນໍາເດີ້ ເພາະອາດຈະເຮັດໃຫ້ເກີດຄວາມຂັດຂ້ອງໃນການໃຊ້ງານໄດ້.

3. ຍ້ອນກັບໄປເບິ່ງໄດ້ ຫຼື ເບິ່ງຍ້ອນຫຼັງໄດ້:
ເມື່ອເຈົ້າຮຽນໄປໄລຍະໜຶ່ງແລ້ວ ຖ້າບໍ່ເຂົ້າໃຈເຈົ້າສາມາດກົດຍ້ອນກັບ ເພື່ອທົບທວນເນື້ອຫາ ແລະ ທໍາຄວາມເຂົ້າໃຈໃໝ່ໄດ້ ຫຼື ຖ້າເຈົ້າຮູ້ສຶກເມື່ອຍ ຢາກຈະພັກສາຍຕາ ເຈົ້າກໍ່ສາມາດກົດຢຸດ ແລະ ມາຮຽນຕໍ່ພາຍຫຼັງໄດ້.

4. ທົບທວນ ຮຽນຊໍ້າໄດ້:
ໃນກໍລະນີທີ່ເຈົ້າຮຽນຈົນຈົບ ແລະ ຕ້ອງການທົບທວນຄວາມຮູ້ໂດຍກັບມາເບິ່ງໃໝ່ຕັ້ງແຕ່ຕົ້ນກໍ່ໍບໍ່ແມ່ນບັນຫາ ເພາະການຮຽນອອນລາຍຜ່ານວິດີໂອ ໂດຍສ່ວນຫຼາຍຈະຈໍາກັດໄລຍະເວລາໃນການເຂົ້າເບິ່ງວີດີໂອ ບໍ່ໄດ້ຈໍາກັດຈໍານວນຄັ້ງໃນການເບິ່ງ ດັ່ງນັ້ນ, ຢາກຈະຮຽນໃໝ່ອີກຮອບກໍ່ສາມາດເຮັດໄດ້.

5. ປະຢັດເວລາ ແລະ ຄ່າໃຊ້ຈ່າຍໃນການເດີນທາງ:
ໃນເມື່ອການຮຽນອອນລາຍຢູ່ໃສກໍ່ຮຽນໄດ້ເພາະສະນັ້ນ ຕັດໃນເລື່ອງເວລາ ແລະ ຄ່າໃຊ້ຈ່າຍທີ່ຕ້ອງເສຍໃຫ້ກັບການເດີນທາງຖິ້ມໄປເລີຍ, ເຈົ້າອາດຈະເອົາຄ່າໃຊ້ຈ່າຍໃນສ່ວນນີ້ ໄປຊື້ຄອສອື່ນໆເພີ່ມເຕີ່ມຍັງໄດ້ເລີຍ.

ຈາກຂໍ້ດີຂອງການຮຽນອອນລາຍທີ່ເວົ້າມາ ເຊື່ອວ່າການຮຽນອອນລາຍເປັນອີກວິທີທີ່ຈະຊ່ວຍໃຫ້ເຈົ້າພັດທະນາສັກກະຍະພາບຂອງຕົນເອງໄດ້ໃນອະນາຄົດ ແຕ່ສິ່ງທີ່ຈະເຮັດໃຫ້ເຮົາປະສົບຜົນສໍາເລັດໃນການຮຽນອອນລາຍໄດ້ ຄືການມີວິໄນ ແລະ ຄວາມຮັບຜິດຊອບໃນຕົນເອງ ເພາະການຮຽນອອນລາຍບໍ່ມີໃຜກະຕຸ້ນ ຫຼື ບັງຄັບໃຫ້ເຮົາຕ້ອງຮຽນ ດັ່ງນັ້ນ, ພວກເຮົາຂໍເປັນກໍາລັງໃຈໃຫ້ທຸກຄົນປະສົບຜົນສໍາເລັດໃນການຮຽນຜ່ານວິດີໂອອອນລາຍເດີ້ທຸກຄົນ. ແຫຼ່ງຮຽນຮູ້ອອນລາຍ ແລະ ຮຽນຟຣີ ຄິຼກທີ່ນີ້

ຂໍຂອບໃຈຂໍ້ມູນຈາກເຟດ ຄູ່ມື

Leave a Reply

Your email address will not be published. Required fields are marked *